Presidenti francez Emmanuel Macron deklaron se ishte ai qe e bindi presidentin e SHBA-ve Donald Turmp të bombardonte Sirinë.
“10 ditë më parë presidenti Trump tha që vullneti i SHBA-ve është të heqë dorë nga Siria. Ne e bindëm atë se ishte mëse e nevojshme të qëndronte.”
Macron i beri këto deklarata gjatë një interviste televizive për mediat franceze, duke shtuar se e rëndësishme ishte të shkatërroheshin bazat ushtarake të dyshuara për prodhimin e armëve kimike.
Shtetet e Bashkuara, Franca dhe Mbretëria e Bashkuar bombarduan disa baza ushtarake të qeverisë siriane të cilat shërbenin për prodhimin e armëve kimike.
Por sulmi zemëroi aleatin më të madh të Sirisë, Rusinë, e cila thirri në një seancë të jashtëzakonshme Këshillin e Sigurimit të Kombeve të Bashkuara për të denoncuar agresionin nga SHBA-të
Udhëheqësi i Kremlinit, Vladimir Putin, paralajmëroi se çdo sulm i mëtejshëm në Siri mund te shkaktoje “kaos në marrëdhëniet ndërkombëtare”. Putin dhe homologu i tij Iranian Hasan Rouhani thane se sulmet e raketave dëmtuan të gjitha mundësitë për një zgjidhje politike.