Raportuesja për Kosovën njëherësh edhe nënkryetare e Parlamentit Evropian, Ulrike Lunaçek, ka ururar për mbajtjen e zgjedhjeve dhe i ka bërë thirrje partive që ta formojnë sa më shpejt qeverinë e re me një frymë europiane.
“Komisioni Qendror i Zgjedhjeve ishte i suksesshëm në organizimin e këtyre zgjedhjeve të parakohshme në një periudhë të shkurtër kohore. Gjithashtu deklaroj me kënaqësi se shumica e procesit ka ndodhur në një atmosferë paqësore”, ka thënë Lunaçek.
“Po ashtu mirëpres pjesëmarrjen në rritje të komunitetit serb të Kosovës si shenjë pozitive të angazhimit të tyre të mëtejshëm me institucionet e vendit, megjithëse akte të ndryshme të frikësimit ndaj kandidatëve të komunitetit serb të Kosovës në konkurrencë me Listën Srpska.
Prandaj i bëj thirrje partive të Kosovës që të formojnë shpejt një qeveri për të trajtuar sfidat e ndryshme dhe për të vazhduar rrugën e Kosovës në BE-së”, ka thënë raportuesja për Kosovën.
Ajo ka shtuar se ratifikimi i marrëveshjes së demarkacionit kufitar me Malin e Zi është një domosdoshmëri si rekordi i përmirësuar i bindjeve të nivelit të lartë për korrupsionin dhe krimin e organizuar.
Qeveria e ardhshme duhet të sigurojë një rezultat të mirë të këtij procesi të liberalizimit të vizave në mënyrë që të hapë rrugën për udhëtimin pa viza për qytetarët e Kosovës sa më shpejt që të jetë e mundur”, ka thënë Lunaçek për “arbresh.info”.
