Opozita ashpërson aksionin. Kryeopozitari Lulzim Basha mblodhi mbrëmjen e se enjtes me urgjence aleatet ne selinë blu ku u vendos intensifikimi i protestave dhe shtrirja e tyre ne te gjithë vendin. Te hënën është paralajmëruar bllokimi i trafikut. Ketë vendim Basha e beri te ditur dhe ne çadër.
“Në funksion të arritjes se këtij qëllimi madhor, të këtij vendimi të patjetërsueshme të 18 shkurtit, opozita e bashkuar me në krye PD ka vendosur intensifikimin e protestës qytetarë ne të gjithë Shqipërinë. Duke ruajtur si pishtar, si bërthamë të kësaj lëvizje çadrën e lirisë 24 orë në ditë, por duke e shtrirë atë në mbarë vendin. Ditën e hënë të gjithë qytetarët shqiptarë, të djathtë, të majtë, patriot, të rinj, të reja të bashkohemi midis orës 11-12 në bllokimin total të trafikut kombëtar në të gjithë Shqipërinë.”
Kryedemokrati përsëriti dhe nje here se nuk do te ketë tërheqje per qeveri teknike, Basha tha se 2017 është viti i fundit i pushtetit te krimit.
Gjate paradites lideri i opozitës mblodhi ne selinë e PD krerët e degëve te rretheve. Ai kërkoi me shume angazhim deri ne vizitën e zv/presidentit te partive popullore europiane David McCallister.
