Gjykata e Apelit Administrativ rrëzoi ankimimin e avokatit Lulzim Alushajt, i cili paditi Këshillin e Lartë të Prokurorisë, pas skualifikimit nga gara për kryeprokuror të përgjithshëm.
Alushaj kërkoi nga gjykata anulimin e vendimmarrjes të Këshillit të Lartë të Prokurorisë.
KLP e skualifikoi nga gara me argumentin se nuk kishte përvojën e mjaftueshme si jurist, 15 vite.
KLP-ja caktoi listën përfundimtare me 3 kandidatë për Prokurorin e Përgjithshëm: kryeprokuroren aktuale Arta Marku, prokurorin e krimeve të rënda Olsjan Çelën dhe prokuroren e apelit të tiranës Fatjona Memçajn.
Vendimi i gjykatës administrative mban peng procedurën e përzgjedhjes së kryeprokurorit të përgjithshëm.