Për inxhinieren Luljeta Bozo, procesi i rindërtimit po kryhet sipas standardeve më të mira dhe po ecën mirë.
Teksa pranoi ftesën e kryeministrit Edi Rama për t’u bërë pjesë e listës së PS për 25 prillin, Bozo i quajti dhuratë prej qielli shtëpitë e reja për të dëmtuarit nga tërmeti.
“Defektet në ndërtim janë realizuar në këtë programin e rindërtimit. Më vjen shumë mirë. Programi i rindërtimit filloi në ato zona që kishin shkatërime më të mëdha. Janë zbatuar të gjitha rregullat që ne të kemi këto shtëpia me një gjatësi aq sa është e parashikuar nga legjislacioni. Ata e kanë një dhuratë për mua, është dhuratë të hysh në një shtëpi të re pa asnjë lek. Është një dhuratë e rënë nga qielli, nga qeveria. Ju bë shtëpia sipas të gjitha standardeve që nuk e kishin menduar asnjëherë. Është filluar ndërtimi sipas rregullave, siç bën gjithë bota. Procesi për mua po ecën shumë normalisht. Ka një nevojë për të treguar për ata që janë hezitues se ka kohën e vet për çdo gjë. Njerëzit duhen sqaruar që shtëpitë nuk ndërtohen si me urdhrin e peshkut, nuk ndërtohen pa patur fonde. Shumë shpejt plagët e tërmetit do të riparohen dhe njerëzit duhet të jenë mirënjohës sepse u erdhi një dhuratë. Ka ende shumë punë për të bërë në zonat rurale.”
