Takimin përmbyllës të socialistëve në Tiranë e nisi kryesuesja e listës për këtë qark, Luljeta Bozo, e cia iu bëri thirrje qytetarëve që vota e tyre në 25 prill t’i besohet Partisë Socialiste.
Për të, PS është forca më progresive në vend që nuk do të reshtë së punuari.
Nëse socialistët marrin mandatin e tretë, ajo deklaroi se qeveria do të vijojë realizimin me sukses të procesit të rindërtimit dhe vaksinimit.
“Jemi në fund të fushatës sonë dhe mendoj se kemi bërë një fushatë qytetare, duke respektuar rregullat, ligjet dhe duke bënë të parat shëndetin e tij. Fushata jonë ka qenë brenda gjithë rregullave duke pasur në vëmendje respektimin e njeri-tjetrit, nënën motrën, brezat e vjetër dhe të gjithë ata që do ta çojnë para vendin tonë. Si gjyshe dhe shkencëtare mendoj se nuk duhet të reshtim së punuari në mënyrë që të realizojmë me sukses rindërtimin, të mposhtim armikun përfundimisht, të ndërtojmë rrugë qytete. Një fjalë të fundit si gjyshe dhe si shkencëtare mendoj se vota jonë është e rëndësishme, e shenjtë, individuale dhe duhet të shkojë në drejtimin e duhur, për PS, që është forca më progresiste në vendin tonë dhe ne do jemi të qetë që kemi bërë detyrën tonë ndaj familjes dhe vendit tone”, tha Bozo.
