Bjellorusia do të ishte e gatshme të përdorte armët bërthamore të dhëna nga aleati i ngushtë Rusia përballë “agresionit” të huaj, tha të enjten Presidenti i Bjellorusisë, Alexander Lukashenko, ka paralajmëruar se vendi që ai drejton do të konsideronte përdorimin e armëve bërthamore nëse do të ishte përballë një agresioni të huaj.
Kjo deklaratë e Lukashenkos vjen në një moment kur tensionet në kufi vijnë në rritje, mes Bjellorusisë dhe Polonisë. Kjo e fundit është reshtuar që në krye të herës krah Ukrainës, ndërsa presidenti bjellorus njihet si aleat i përbetuar i Putin.
Minsku ka luajtur një rol kyç në luftën e Rusisë në Ukrainë, me Moskën duke përdorur Bjellorusinë si një nga pikat e saj të nisjes për pushtimin në fillim të vitit 2022, ndërsa stërvitjet e përbashkëta ushtarake Rusi-Bjellorusi gjatë vitit të kaluar kanë nxitur shqetësimet se trupat bjelloruse mund të bashkohen me forcat ruse në konfliktin.
Sipas presidentit rus Vladimir Putin, në qershor, armët bërthamore ruse thuhet se iu dorëzuan Bjellorusisë për “parandalim të përshkallëzimit të konfliktit” .
Në një intervistë me agjencinë shtetërore të lajmeve Belta, Lukashenko pohoi se Bjellorusia nuk do të përfshihej kurrë në këtë luftë nëse ukrainasit nuk e kalonin kufirin e saj. Por ai shtoi: “Ne do të vazhdojmë të ndihmojmë Rusinë, ata janë aleati ynë”.
Ai paralajmëroi gjithashtu se nëse provokohet, veçanërisht nga vendet fqinje të NATO-s si Polonia, Lituania dhe Letonia, Bjellorusia do të përgjigjet menjëherë me gjithçka që ka, përfshirë armët bërthamore.
