Tashmë çdo gjë është zyrtare. Romelu Lukaku është lojtari më i ri i Chelsit. Lajmin e ka dhënë vetë klubi londinez, i cili me anë të një postimi i uroi mirëseardhjen futbollistit belg.Nëpërmjet një video speciale të publikuar në faqen e klubit në “Tëitter” dhe me mbishkrimin ” Mirëserdhe në Shtëpi ”, ata komunikuan zyrtarizimin e futbollistit .
Marrëveshja ishte arritur disa ditë më parë kur bomberi belg përfundoi me sukses testet mjekësore dhe nënshkroi një kontratë 5-vjeçare me pagë 12 deri 13 milionë euro në vit. Ndërsa për blutë e Londrës u kthye në blerjen më te shtrenjtë në historinë klubit, plot 115 milionë euro. Pas firmës në kontratë, Lukaku tha se është gjithmonë kënaqësi të rikthehesh aty ku filloi gjithçka:
“Unë jam i lumtur dhe krenar që jam përsëri në këtë klub të mrekullueshëm. Ka qenë një udhëtim i gjatë për mua: mbërrita si një fëmijë që ende duhej te mësoja shumë, tani kthehem më i pjekur dhe me shumë më tepër përvojë. Marrëdhënia që kam me këtë klub do të thotë shumë për mua, siç e dini të gjithë Kam bërë tifo për Chelsea qe fëmijë dhe tani që jam kthyer dhe jam në gjendje të ndihmoj të fitojmë më shumë tituj. Rruga e ndjekur nga klubi përshtatet në mënyrë të përkryer me ambiciet e mia, unë jam 28 vjeç dhe arrij si fitues i Serie A”, u shpreh Lukaku.
Kështu sulmuesi belg largohet pas dy sezonesh tek Interi, ku u aktivizua plot 95 ndeshje dhe u bë protagonisht i 64 golave, ndërsa arriti të fitojë dhe titullin kampion me zikalëtërit sezonin e kaluar.
