Një dygolesh I Lukakut e lejoi Interin që të fitoje ndaj Udineses në transferte dhe të kthehet tek fitorja pas 3 barazimesh radhazi. Zikaltrit mbajnë ritmin e Juventusit dhe Lazios në duelet e javës së 22 të kampionatit Italian. Në mbrëmjen e debutimit të Eriksen si titular me fanelen e Inter, më shumë sesa danezi, ai që nxorri skuadrën e Contes nga vështirësite ishte I zakonshmi Romelo Lukaku.
Ndeshje aspak e lehte ne Friuli për Interin që u detyrua të luante pa handanovic në porte, por me blerjet e fundit Viktor Moses dhe Jang nga krahet.Të zotët e shtëpisë krijuan volum sidomos në të majtë me Sema dhe Fofana por pa qënë rezultativ. Friulanet protestuan edhe për një kontakt të dyshimte në zonën mik ku u rrezua Okaka.
Pas daljes së Eriksen në minutën e 58 dhe me aktivizimin e Brozovic dhe Aleksis Sanchez, Inter ndryshoi pamje ndonëse zhbllokimi I rezultatit ishte merite personale e Lukakut I cili shenoi me të majtën në minutën e 64.7 minuta më vonë janë zikaltrit që fitojnë penallti dhe sërish Lukaku nga pika e bardhe nuk gabon. 12 gola në 11 transferta në këtë sezon për sulmuesin belg, rekordi I Shevcenkos I thyer.
Inter me 51 pikë mbetet I dyti, me 3 pikë distance nga Juventus. Skuadra e Contes shkon e karikuar në derbin e radhës ndaj Milanit.
