Tre hajdutë shqiptarë dhe punonjës të policisë greke u përplasën mesditën e kësaj të shtune në Korinth të Greqisë.
Referuar mediave greke, gjithçka nisi pas një operacioni nga ana e policisë kundër shqiptarëve, të cilët ishin mbajtur prej kohësh në vëzhgim sepse dyshohej se kishin kryer disa vjedhje në zonë.
Sapo panë se ishin rrethuar, tre shqiptarët nxorën armët dhe nisën të qëllonin në drejtim të policisë.
Kjo e fundit u kundërpërgjigj po ashtu me të shtëna e për pasojë dy prej hajdutëve shqiptarë mbetën të plagosur në këmbë, ndërsa i treti përfundoi në pranga.
