Koreja e Veriut dhe ajo e Jugut kanë lëshuar për herë të parë raketa në ujërat e brigjeve të njëra-tjetrës.
Seuli u hakmor këtë të mërkurë 3 orë pasi Pheniani lëshoi 10 raketa , njëra prej të cilave u ul më pak se 60 km nga qyteti jugor Sokcho.
Ushtria e jugut e ka quajtur një shkelje të papranueshme të territorit të saj. Ajo lëshoi 3 raketa si kundërpërgjigje .
Të martën, Koreja e Veriut paralajmëroi se fqinji jugor dhe Shtetet e Bashkuara do të paguanin “çmimin më të tmerrshëm në histori”, nëse do të vazhdonin stërvitjet e përbashkëta ushtarake, që shihen si një kërcënim për përdorimin e armëve bërthamore.
Vendi komunist pritet të rifillojë testimin e armëve bërthamore së shpejti, pas një ndërprerjeje pesëvjeçare. Inteligjenca amerikane dhe ajo koreano-jugore thonë se Pheniani ka përfunduar të gjitha përgatitjet e nevojshme.
