Ky është momenti i përplasjes me armë zjarri të ndodhur orët e para të mëngjesit të së dielës në Sarandë, ku u plagos biznesmeni Spiro Iljadhi dhe një turist.
Në videon e siguruar nga Vizion Plus dëgjohen të shtëna të vazhdueshme si dhe të bërtitura të personave të përfshirë në konflikt.
Shkëmbimi zjarrit mes biznesmenit 35-vjeçar, Spiro Iljadhi dhe tre të rinjve nga Tepelena zgjat rreth një minutë ndërsa e gjithë skena i ngjan një filmi aksion.
Në momentin e përplasjes me armë, në lokal ndodheshin dhe shumë pushues të tjerë të cilët u larguan me shpejtësi të frikësuar. Nga të shtënat u rrezikua edhe jeta e banorëve të zonës.
Lidhur me ngjarjen u arrestua biznesmeni Spiro Iljadhi dhe 33-vjeçari Redjan Hatëri. Ndërsa janë në kërkim dy vëllezërit Andrea Çaushi 35 vjeç dhe Visi Çaushi 33-vjeç.
Po ashtu u ndalua nga policia dhe 32-vjeçari Luan Obznova pasi dyshohet se do të digjte lokalin ku ndodhi përplasja me armë zjarri me qëllim zhdukjen e provave.
Sipas dëshmive të dhëna gjithçka nisi pas largimit të tre prej autorëve nga ambientet e lokalit nga ana e pronarit Spiro Iljadhi.
