Subscribe

Politika do të bëjë provën e radhës për të pastruar veten e saj nga ata që i shërbyen regjimit komunist.

 

Pesë nisma ligjore, nga socialistë e demokratë do të zgjojnë debatin e vjetër në prag të një procesi zgjedhor. Pas 32 vitesh demokraci, refreni mbetet i njëjti varg fjalësh, përjashtimin e bashkëpunëtorëve të diktaturës hoxhiste nga institucionet e shtetit.

 

PROF. DR. ENRIKETA PAPA

 

KERKUESE SHKENCORE E PERIUDHES KOMUNISTE

 

Të gjitha nismat që janë ndërmarrë nga ligjvënësit shqiptar kanë qenë gjithnjë me një lloj tende për të ndikuar politikisht, për të luftuar kundërshtarin politik dhe jo një ligj i mirëfilltë lustracioni.

 

Çfarë duhet të bëjë ndryshe politika sot dhe sa “lustracioni” nuk duhet të ketë qëllim në vetvete përjashtimin e atyre, që partia në pushtet nuk do t’i ketë kundërshtarë në politikë.

 

PROF. DR. ENRIKETA PAPA

 

PEDAGOGE, FAKULTETI I HISTORISE

 

Që të jetë konform të gjitha propozimeve që Gjykata Evropiane për të Drejtat e Njeriut dhe Gjykatës Kushtetuese, mbi ligjin e fundit të lustracionit që e ka hedhur poshtë dhe ka bërë disa propozime konkrete, nëse i përmbahen këtyre pikave, do të kemi një ligj të suksesshëm lustracioni.

 

Sot, në 2023 nuk ka një shifër të saktë të personave që në mënyrë të drejtpërdrejtë ose jo, janë përgjegjës në zinxhirin e krimeve të komunizmit. E dhëna e fundit nga Autoriteti i Dosjeve është se deri në vitin 2021, 71 persona rezultuan me dokumente të ish-Sigurimit të Shtetit. Ajo mbetet e paplotë, pasi përveç shërbimit diplomatik, policisë dhe organeve të reja të drejtësisë, asnjë institucion tjetër nuk ka detyrim ligjor të kërkojë informacion për të zgjedhurit apo emëruarit e tij, nëse figurojnë ose jo të lidhur me ish-sigurimin e shtetit.

 

PROF. DR. ENRIKETA PAPA

 

PEDAGOGE, FAKULTETI I HISTORISE

 

Qoftë Autoritetei i Dosjeve apo ISKK kanë dhënë indicie të prezencës ende në këto institucione të administratës publike, qoftë edhe të shtetit të individëve me ngarkesë të fortë në të kaluarën komuniste. Prandaj është momenti që të merren nisma konkrete për të pastruar administratën dhe institucionet publike në Shqipëri.

 

Diskutimet për despiunizimin e socialistëve dhe lustracionin e demokratëve ende nuk kanë hyrë në fazën e përplasjeve në kuvend. Sali Berisha akuzon Edi Ramën se po bën një ligj vetëm për të eliminuar politikisht Ilir Metën.

Leave a Reply

Your email address will not be published. Required fields are marked *