Kombet e Bashkuara bëjne me dije se të paktën 136 civilë, mes tyre 13 fëmijë janë vrarë që nga fillimi i pushtimit rus në Ukrainë.
Liz Throssell, një zëdhënëse e Komisionerit të Lartë të OKB-së për të Drejtat e Njeriut, tha se numri i vërtetë i vdekjeve ka të ngjarë të jetë shumë më i lartë.
Throssell tha se shumica e njerëzve u vranë nga granatimet e rënda të artilerisë, sulmet ajrore dhe eksplozivë të tjerë. OKB tha gjithashtu se rreth 400 njerëz janë plagosur në luftimet deri tani.
