A preket Shqipëria nga lufta në Lindjen e Mesme? Kjo ishte tema e diskutimit këtë të martë në studion e “Quo Vadis” në Vizion Plus, të moderatores Pranvera Borakaj.
I ftuar në studio, eksperti i ekonomisë Ergis Sefa tha se Shqipëria do të jetë vendi më i prekur nga rritja e çmimeve, pasi jemi një nga shtetet që kemi importin më të madh të produkteve ushqimore.
Sipas tij, vendi ynë është totalisht i papërgatitur për këtë situatë. Sefa theksoi se nëse lufta zgjat edhe 3-4 javë, Shqipëria do ta ndiejë direkt rritjen e çmimeve.
Pjesë nga biseda:
Borakaj: Çfarë do të na rritet përveç naftës?
Sefa: Edhe ushqimet. Nafta është problemi më i vogël; do të rriten ushqimet, bujqësia.
Borakaj: Nëse zgjat?
Sefa: Edhe 3-4 javë të tjera.
Borakaj: Është gati ekonomia shqiptare për ta përballuar?
Sefa: Absolutisht jo. Ne do të marrim një goditje të rëndë, pasi varemi nga importi. Ne 52% të ushqimeve i importojmë.
