Lufta në Lindjen e Mesme, 627 viktima dhe mbi 4.800 të plagosur në Iran

Gjatë konfliktit të fundit me Izraelin, 627 persona kanë humbur jetën në Iran, sipas mediave shtetërore iraniane IRIB, që citon Ministrinë e Shëndetësisë së vendit.

Në raportin e publikuar, thuhet gjithashtu se të paktën 4,870 persona janë plagosur nga sulmet izraelite të kryera midis datave 13 dhe 24 qershor.

Raporti pasqyron një përshkallëzim të rëndë të dhunës dhe dëmeve njerëzore në Iran, ndërsa tensionet mes dy vendeve kanë arritur një nga pikat më të larta të dekadës së fundit.

Një hartë e bashkangjitur në raport tregon vendndodhjet e sulmeve ajrore izraelite mbi territorin iranian, përfshirë objekte strategjike, baza ushtarake dhe infrastrukturë civile në disa rajone të vendit.