Dy anëtarë të lartë të ushtrisë izraelite kanë krahasuar sulmet e së shtunës nga Gaza me ato të 11 shtatorit në SHBA.
“Ky është 11 shtatori ynë,” tha njëri prej tyre.
Nënkoloneli Jonathan Conricus gjithashtu i krahasoi sulmet e Hamasit me sulmet në Amerikë.
“Ky mund të jetë një 11 shtator dhe një Pearl Harbor i bashkuar në një,” tha ai. “Kjo është, deri tani, dita më e keqe në historinë izraelite. Asnjëherë më parë nuk janë vrarë kaq shumë izraelitë nga një gjë e vetme, e lëre më nga aktiviteti i armikut në një ditë.”
Të shtunën, grupi islamik Hamas sulmoi me mijëra raketa Izraelin, teksa autoritetet izraelite u kundërpërgjigjën. Izraeli numëron qindra viktima, po ashtu dhe Palestina, duke rikthyer luftën e përgjakshme.