Lufta në Gaza, mijëra njerëz protestojnë në Bruksel në mbështetje të Palestinës

Gati 9,000 njerëz morën pjesë në një demonstratë sot në Bruksel duke kërkuar ndalimin e bombardimeve izraelite të Gazës, sipas policisë lokale.

Ministrat e Jashtëm të BE-së do të takohen veçmas të hënën me homologët e tyre izraelitë dhe palestinezë, Israel Katz dhe Riyadh al-Maliki, për të diskutuar mënyrat për t’i dhënë fund dhunës në Gaza. Ministrat e jashtëm të Egjiptit, Arabisë Saudite dhe Jordanisë, si dhe sekretari i përgjithshëm i Ligës Arabe, Ahmed Abul Yate, priten gjithashtu në Bruksel për një drekë pune me homologët e tyre evropianë.

Në demonstratën e sotme, nën një pankartë ku shkruhej “Drejtësi për Palestinën”, të mbledhurit brohoritën slogane si “Stop gjenocidit”, “Izraeli është terrorist” dhe “Lironi Gazën”. Disa kritikuan BE-në për “dështimin e saj të turpshëm për të mbrojtur civilët palestinezë”, të tjerë bënë thirrje për një bojkot të produkteve dhe bizneseve izraelite. /vizionplus.tv