Shtetet e Bashkuara të Amerikës i kanë kërkuar Armenisë dhe Azerbajxhanit që t’i japin fund armiqësisë mes tyre, pas luftimeve të nisura në orët e para të ditës së sotme.

Sekretari amerikan i Shtetit, Antony Blinken thotë se zgjidhja e konfliktit nuk mund të vijë përmes luftës.

 

“Siç e kemi bërë të qartë prej kohësh, nuk mund të ketë zgjidhje ushtarake për konfliktin.

 

Ne kërkojmë që menjëherë t’i jepet fund çdo armiqësie ushtarake.” tha Blinken.

 

Përleshjet shpërthyen midis trupave të Azerbajxhanit dhe Armenisë, njoftuan agjencitë e lajmeve herët të martën, në një rifillim të armiqësive dekada të vjetra të lidhura me territorin e diskutueshëm të Nagorno-Karabakut.

 

Azerbajxhani, i cili rivendosi kontrollin e plotë mbi territorin në një konflikt gjashtëjavor në vitin 2020, pranoi viktima midis forcave të tij. Armenia nuk përmendi humbje, por tha se përleshjet vazhduan gjatë natës.

Leave a Reply

Your email address will not be published.