Lufra: Shëndeti i konsumatorëve mbi gjithçka, çdo vendim i bazuar në analiza laboratorike
Kompania Lufra, përmes një deklarate zyrtare thekson se shëndeti i konsumatorëve dhe siguria ushqimore mbeten prioritet absolut.
Kompania sqaron se nuk refuzon fermerët, por çdo vendim për mospranimin e përkohshëm të qumështit bazohet vetëm në analiza laboratorike, me qëllim mbrojtjen e konsumatorit.
Lufra rikujton rëndësinë e bashkëpunimit të vazhdueshëm me fermerët vendas dhe angazhimin për të siguruar që qumështi të përmbushë standardet ligjore dhe ato europiane të cilësisë dhe sigurisë.
DEKLARATE ZYRTARE
Te Lufra, shëndeti i konsumatorëve dhe siguria ushqimore janë prioritet absolut. Lufra nuk refuzon fermerët, por ka për detyrë të mbrojë shëndetin e konsumatorit. Bashkëpunimi me fermerët vendas ka qenë dhe mbetet një vlerë themelore për ne.
Çdo ditë punojmë me ta për të garantuar që qumështi të përmbushë standardet ligjore dhe ato europiane të cilësisë dhe sigurisë.
Çdo vendim për mospranimin e përkohshëm të qumështit për disa nga fermerët bazohet vetëm në analiza laboratorike dhe kryhet për të mbrojtur konsumatorin. Sapo kriteret e sigurisë plotësohen, qumështi pranohet menjëherë.
Qëllimi ynë është një zinxhir furnizimi i sigurt, i qëndrueshëm dhe në përputhje me ligjin në interes të fermerëve, kompanisë dhe mbi të gjitha të konsumatorëve.
