Ka nisur me zjarr edhe mbrëmja e sotme e spektaklit Ferma VIP 2 në Vizion Plus. Si çdo të hënë dhe të premte moderatorja e magjishme Luana Vjollca, bën gjithmonë një hyrje plot sharm dhe zjarr, ku fjalët e përzgjedhura janë shpesh më të forta se “plumbi”.
Mbrëmjen e sotme ajo e krahasoi veten me verën, ku sa më shumë kohë kalon aq më e mirë bëhet.
Mirëmbrëma nga Ferma VIP! Faleminderit për duartrokitjet, suportin dhe dashurinë.
Thënë kjo nga një njeri që vlerëson dashurinë, sepse dashuria është fara që bën të lindin shpresa, ëndrra dhe lumturi! Siç e shihni, sot jam bërë një vajzë serioze, flas për gjëra me peshë, nuk bëj skandale mediatike. Bëj shaka, thjesht ju lashë kohë të merrni veten, se i kam me strategji unë këto goditjet e mia… Ja ta bëj dhe një goditje sot, se s’më rrihet,” u shpreh Luana, teksa vazhdoi:
“Unë jam si vera: sa më shumë vjetërohem, aq më e mirë bëhem! Çfarë do të thotë kjo njëherë? Që po vjetërohem? Po plakem? Po ku plaket njeri, kur shpirti i rri i ri si ju! A e keni shpirtin e ri, apo jo?” – tha Luana në nisje të spektaklit.
