Luana Vjollca hap spektaklin me një mesazh të rëndësishëm: Ferma VIP nuk do e përkrahë kurrësesi dhunën dhe bullizimin!
Ka nisur edhe këtë të hënë në ekranin e Vizion Plus spektakli më i ndjekur nga familjet shqiptare Ferma VIP nën drejtimin e Luana Vjollcës, e cila këtë herë dha një mesazh të rëndësishëm për të gjithë!
“Në një ambient ku natyra është artistja më e madhe dhe ka krijuar një vepër arti me peizazhin e mrekullueshëm që gjendet atje, patjetër që frymëzimi për të bërë gjëra të bukura është i pashmangshëm.
Apo ende s’u ka hyrë frymëzimi? Ata vrap, frymëzimi vrapon pas tyre, por nuk i arrin dot.
E për të qenë seriozë, më lejoni t’ju them se nëse ka një pikë ku dy gjëra nuk lidhen bashkë, ato janë natyra dhe negativiteti. Thjesht, nuk qëndrojnë dot bashkë me njëra-tjetrën.
Çfarë fundjave ka qenë kjo… nga ato që një skenë të duket sa një film dhe një ditë sa një vit.
Gjithsesi, sonte do të merren masa, sepse Ferma VIP nuk do të përkrahë kurrsesi dhunën dhe bullizimin,” përfundoi Luana.
24 orë në 7 ditë të javës, Ferma VIP vjen për publikun në dy kanale të dedikuara të platformës Tring, si dhe përmbledhjet ditore në orën 17:00. /vizionplus.tv
