Kryeministri Edi Rama ka pritur në një takim të veçantë mëngjesin e kësaj të marte, zv/ndihmës sekretarin amerikan te shtetit për çështjet e trafikut ndërkombëtar të narkotikëve e zbatimit të ligjit Alexandër Arvizu dhe ambasadorin Donald Lu.
Në takimin që zgjati për rreth një orë, është diskutuar mbi situatën aktuale politike në Shqipëri, krizën politike dhe përgatitjet për procesin zgjedhor. Nuk bëhen të ditura detaje më konkrete nga takimi, por ky takim vjen në një situatë të veçantë të politikës në Shqipëri. Një ditë më parë, Arvizu dhe Lu kanë pasur takime edhe me kreun e kuvendit ilir meta dhe atë të opozitës Lulzim Basha.
