Pak minuta pas deklaratës se opozitës, reagoi edhe Lëvizja Socialiste për Integrim. Kreu i saj Petrit Vasili kërkon që te mos humbet asnjë ore me shume për zgjidhjen e situatës politike.
LSI sipas Vasilit i ka qëndruar dhe i qëndron pikë për pikë kompromisit të z. Mcallister dhe të mbështetur nga Fleckenstein dhe nuk ka nevojë të diskutohet më.
Paketa – thekson Vasili – duhet të zbatohet pikë për pikë nga të dy palët. Përgjegjësitë për bllokimin e zgjidhjes sipas LSI, janë të atyre që nuk e mbështetën dhe nuk e mbështesin edhe tani propozimin e Mcallister.
Tashme është koha për ti dhënë fund këtij teatri jo transparent, e po ashtu edhe lojërave politike, që tronditin stabilitetin dhe sigurinë e vendit dhe të qytetarëve.
lëvizja socialiste për integrim është e gatshme të kthejë edhe postin e presidentit të republikës në shërbim të zgjidhjes së shpejtë të krizës.