Lëvizja Socialiste për Integrim u “hodh në sulm” ndaj Komisionit të Ankimimeve dhe Sanksioneve, pas vendimit të tij për të konsideruar të vlefshme zgjedhjet në Korçë dhe Elbasan.
Përmes një postimi në “Facebook”, Sekretari i Përgjithshëm, Endrit Braimllari e akuzoi KAS-in se po i shërben mazhorancës.
“KAS organizatë politike e Rilindjes. Nuk vlerëson asnjë fakt nga masakra zgjedhore e 25 prillit. Për KAS, nuk mjaftojnë këto fakte:
📌Shtetas që votojnë disa herë.
📌Në kuti ka më shumë fletë votimi sesa votues.
📌Komisionet marrin më pak fletë votimi dhe dorëzojnë më shumë.
📌Në tavolinat e numërimit votat e pavlefshme numërohen si të PS.
📌 Numërues të Rilindjes që plotësojnë me stilolaps fletët e votimit për PS.
📌Kryetar bashkie të cilët emërojnë militantë në punë, në kundërshtim me Kodin Zgjedhor gjatë periudhës së fushatës.
📌Komiteti politik i Rilindjes i heq të drejtë kushtetuese të votës qytetarëve shqiptarë që jetojnë në Greqi dhe Maqedoninë e Veriut dhe vetëm disa orë pas përfundimit të zgjedhjeve, heq karantinën për këto qytetarë, duke favorizuar hapur Rilindjen.
📌Grupet e strukturuara kriminale intimidojnë qytetarët dhe bëhen pjesë e ekipit të Rilindjes.”
