LSI ka kërkuar zyrtarisht kryeprokurores Arta Marku që të pezullojë punën për zgjerimin e Unazës së Re nga Pallati me Shigjeta deri tek Dogana.
Në letrën e firmosur nga Monika Kryemadhi I kërkohet znj.Marku që të pezullohen punimet edhe në të dy lotet e tjera, 2 dhe 3 të Unazës së Madhe pasi më heret ishte vendosur pezullimi I punimeve edhe në lotin e 1 si pasojë e një skandali që përfshiu kompaninë fituesë të tenderit për këtë lot, Dh Albania.
Kryemadhi kërkon që e gjithë puna në të tre lotet të pezullohet deri në sqarimin përfundimtar të rrethanave të kësaj cështjeje.
Drejtuesja e LSI ka kërkuar shpesh nga prokurorja e përgjithshme hetimin për atë që e quan megaafere të Unazës së Re, ndërsa partia që ajo drejton bashkë me PD vazhdojnë të mbështesin protesten e qytetareve që preken nga ky projekt.
