LSI i ka këkruar qeverisë hartimin e një plani sanitar për qarqet e prekura nga tërmeti.
Në një deklaratë për mediat, nënkryetari i LSI, Petrit Vasili ngriti shqetësimin se zonat e prekura kanë një potencial epidemik për shkak të nyjeve sanitare të dëmtuara.
“Kontrolli i gjendjes sanitare dhe në mënyrë të veçantë i qarqeve të prekura merr prioritet absolut e madhor. Në këtë situatë kërkohet dhe duhet të përpilohet hartimi i planit sanitar. E përsëri kërkohet hartimi i një plani sanitar. Ky plan sanitar ka disa momente thelbësore të tijat, që kanë të bëjnë me trajtimin rigoroz sanitar të zonave që po shkatërrohen.”
Sipas Vasilit, punonjësit në terren duhet të garantojnë mso cënimin e skemave të vaksinimit fëmijëve.
“Duhet të bëhet dhe të organizohet një kontroll i veçantë, i të gjithë të sëmurëve kronikë pjesë e familjeve të evakuara që në kushte të tjera, kanë rëndim të sëmundjes. Duhet të përcaktohet një sistem kontrolli sanitar i përditshëm dhe raportuar i vendqëndrimeve të improvizuara të cilat natyrshëm nuk janë vende të përcaktuara për grumbullime njerëzish dhe kontrolli i tyre do evitonte mjaft pasoja sanitare të dëmshme dhe të rënda për këto popullata”
