LSI përjashton të gjithë ata anëtarë të cilët pranojnë të marrin mandatin e deputetit, duke thyer kështu një vendim të partisë.

Ky hap në fakt është ndërmarrë nga Komiteti Drejtues Kombëtar i LSI  që në 22 shkurt por është risjelle në vëmendje pas fluksit të kandidateve të dalë nga listat e kësaj force politike që kanë pranuar mandatin e deputetit.

Të fundit që janë gati ta bëjnë këtë lëvizje ishin Nimet Musai I listës së Fierit dhe Ralf Gjoni i listës së Tiranës të cilët do dorëzojnë formularin e dekriminalizimit në pritje që të zyrtarizohen nga KQZ dhe pastaj të bëjnë betimin ne kuvend.

Vendimi është shpërndarë për mediat nga zyra e LSI dhe është në një farë mënyrë një replike në distancë me Lefter Kokën I cili duke folur për mediat jashtë kuvendit këtë të mërkurë, tha se mbetet pjesë e LSI ndonëse në kuvend përfaqëson veten.

Deri tani janë 7 deputetë të rinj të dalë nga listat e LSI që kanë pranuar mandatin parlamentar.

 

Leave a Reply

Your email address will not be published. Required fields are marked *