Një person ka humbur jetën dhe disa të tjerë janë plagosur, si pasojë e një zjarri që përfshiu një qendër të personave me aftësi të kufizuara në verilindje të Londrës. Viktima është një grua, e cila vdiq pasi nuk arriti të dilte ne kohë nga ndërtesa.
Sipas mediave vendase, zjarri përfshiu ndërtesën në orët e para të mëngjesit të kësaj të premteje, rreth orës 02.15 minuta.
Më shumë se 70 zjarrfikës u aktivizuan për shuarjen e flakëve që përfshinë ndërtesën, çatia e së cilës është shkrumbuar tërësisht.
Ndërkohë policia po heton për zbardhjen e plotë të ngjarjes së rëndë.