Të paktën 120 zjarrfikës janë aktivizuar, pasi një zjarr gjigand përfshiu një hotel me 5 yje në qendër të Londrës.
Pamjet tregojnë se si re tymi dalin nga katet e larta të ndërtesës.
Ende nuk dihen shkaqet për rënien e zjarrit, ndërsa autoritetet raportojnë se kanë marrë 35 telefonata, pasi nga ndërtesa nisën të dalin retë e tymit, rreth orës 16 sipas orës lokale.
Ndërkohë që zjarrfikësit vijojnë luftën me flakët, policia ka evakuuar zonën. Shërbimi i ambulancës gjithashtu është në vendin e ngjarjes.
Fatmirësisht nuk ka raportime për lëndime në njerëz, ndërsa autoritetet po hetojnë për shkaqet e rënies së zjarrit në ndërtesën 12 katëshe.
Zjarret në Londër nuk janë të pazakonta. Një vit më parë zjarri ne ndërtesës “Grendfell Tower” u mori jetën 80 personave.
