Nje incident me makine ka alarmuar serish autoritetet ne Londër këtë të shtunë. Disa kalimtarë janë plagosur gjate pasdites shumë pranë Muzeut Historik Kombëtar.
Policia ka vënë në pranga një burrë, identiteti i të cilit nuk dihet ende. Sipas mediave, automjeti doli nga rruga dhe përfundoi në trotuarin e këmbësorëve. Policia ka blinduar zonën përreth muzeut, e cila është mjaft e populluar, por nuk ka dhënë asnjë detaj për natyrën e incidentit, duke thënë se janë në proces hetimet për të përcaktuar rrethanat. Incidenti vjen pas një sërë sulmesh terroriste në Londër me kamion.
Në qershor, 8 persona mbetën të vdekur dhe më shumë se 40 të tjerë u plagosën, pasi një makine e madhe goditi këmbësorët në urën e Londrës.
