Një ekspert japonez për virusin ka paralajmëruar që Lojërat Olimpike në Tokio mund të mos zhvillohen as në vitin 2021. Lojërat u shtynë për vitin e ardhshëm për shkak të pandemisë së COVID-19.
“Zhvillimi i Lojërave Olimpike ka nevojë për dy gjëra kryesore: kontrollin e Covid-19 në Japoni dhe kontrollin e Covid-19 kudo, sepse ju duhet të ftoni atletët dhe audiencën nga e gjithë bota”, Kentaro Iwata, një profesor i sëmundjeve infektive në Universitetin “Kobe”.
Ai u shpreh shumë pesimist për mundësinë e mbajtjes së lojërave vitin e ardhshëm
“Japonia mund të jetë në gjendje të kontrollojë këtë sëmundje deri në verën e ardhshme, unë do të dëshiroja, por nuk mendoj se do të ndodhte kudo në tokë, kështu që në këtë drejtim unë jam shumë pesimist për mbajtjen e Lojërave Olimpike verën e ardhshme.”
Vendimi për të shtyrë Lojërat Olimpike për vitin e ardhshëm ishte i diskutueshëm dhe Japonia për një kohë të gjatë këmbënguli se ata do të ishin në gjendje të vijonin sipas planit këtë verë. Vetëm kur disa atletë të disa vende paralajmëruan se nuk do të marrin pjesë, Tokio dhe IOC shtynë lojërat.
