Ministri i Brendshëm, Sandër Lleshaj, ka përshëndetur operacionin “Rruga e Gabuar”, i cili ka bërë të mundur arrestimin e 32 personave.
Përmes një postimi në Twitter, Lleshaj shkruan se kjo ishtë nje tjetër goditje e fortë kundër krimit të organizuar
“Tjetër goditje e fortë kundër krimit të organizuar. Trafikantët mashtrojnë qytetarët, minojnë lirinë e lëvizjes e të ardhmen tonë evropiane. Lufta kundër krimit të organizuar, mision në shërbim të së ardhmes”.
Ky është një mega operacion që është zhvilluar në luftën, kundër trafikut të qenieve njerëzore, aksion i nisur me urdhër të Prokurorisë së Krimeve të Rënda.
