Lleshaj dhe Ardi Veliu në Korçë, në fokus droga dhe kriminaliteti

Ministri i Brendshëm Sandër Lleshaj dhe kreu i Policisë së Shtetit Ardi Veliu ishin këtë të premte në qytetin e Korçës.

Ata kanë zhvilluar një takim me drejtuesit e policisë të këtij qarku.

Sipas informacioneve, në fokus të diskutimit të Lleshajt me strukturat e policisë ka qenë lufta ndaj kriminalitetit dhe trafikut të drogës.

Ministri Lleshaj ka kërkuar që të ketë angazhim maksimal nga ana e strukturave të policisë për të parandaluar çdo akt që cënon rendin dhe sigurinë publike.