Llalla takon homologun belg

Kontributi i dhënë nga Shqipëria për luftën kundër terrorizimit, krimit të organizuar dhe bandave kriminale, ishte një nga çështjet e diskutuara ne Tirane mes Prokurorit te Përgjithshëm, Adriatik Llalla dhe homologut te tij belg, Frederik van Leuv. Fokusi i bisedës ishte rreziku nga ekstremizmi i dhunshëm fetar. Kryeprokurori llalla garantoi homologun e tij se Shqipëria do të vijojë të jetë aleate e Belgjikës dhe e kujtdo shteti tjetër që ka si objektiv primar, ruajtjen dhe forcimin e sigurisë për çdo njeri, pavarësisht etnisë dhe besimit te tij. Dy homologet ndanë bindjen se aktet barbare qe tronditën Brukselin dhe botën pak kohë më parë, duhet te nxisin të gjithë institucionet e sigurisë, qe të forcojnë bashkëpunimin për të parandaluar sulme te ngjashme. Prokurorët vlerësuan bashkëpunimin mjaft pozitiv midis dy vendeve edhe për hetimin dhe zbulimin e shqiptarëve dhe belgëve, të përfshirë në veprimtari kriminale.