Llalla në zyrën e Metës

Kryetari i kuvendit Ilir Meta ka zhvilluar ne mesdite nje takim me Prokurorin e Përgjithshëm Adriatik Llalla. Zyrtarisht, kuvendi njofton se biseda ka pasur ne fokus procesin e dekriminalizimit. Sipas njoftimit te Parlamentit, Ilir Meta ka biseduar me numrin 1 te organit te akuzës rreth vijimit te procesit të zbatimit të dekriminalizimit si dhe per bashkëpunimin mes dy institucioneve. Nga ana e tij, kreu i Parlamentit Meta, ka nxjerrë urdhrin për caktimin strukturës së posaçme, pranë të cilës do të dorëzohen dhe administrohen formularët e vetëdeklarimit, për subjektet, të cilët e paraqesin atë pranë tij. Gjithashtu ne faqen e kuvendit është publikuar edhe regjistri “për vetëdeklarimin pranë kryetarit të kuvendit të titullarëve apo anëtarëve të organeve kushtetuese, institucioneve të krijuara me ligj, si dhe funksionarët politikë të kuvendit”.