Liverpool bëhet klubi me më shumë trofe në Angli

Liverpool bëri historinë të dielën në finalen Kupës së Ligës kundër Chelseat.

Një sukses me vlera të dyfishta, pasi i jep mundësi “të kuqve” të parakalojnë rivalët historikë të Manchester United si klubi më i titulluar në Angli.

I themeluar në vitin 1892, Liverpool është klubi më i suksesshëm në Angli, duke arritur kuotën e 68 trofeve në të gjithë kompeticionet ku ka marrë pjesë, duke lënë një pas Man.United.

“Të kuqtë” janë përmirësuar ndjeshëm me ardhjen e Jurgen Klopit në krye, teksa Kupa e Ligës e fituar të dielën ishte e dhjeta në histori, që e bën Liverpulin klubin që e ka fituar më shumë këtë trofe.

Duke llogaritur vetëm kompeticionet që luhen në ishull, gjithsesi United mbetet klubi më i titulluar me 59 trofe kundrejt 54 të Liverpulit. Por diferencën e bëjnë kompeticionet ndërkombëtare me “the reds”-at që janë më të suksesshëm me 14 trofe kundrejt 8 të “djajve”.