Lituania i bashkohet vendeve që kanë refuzuar kërkesën e Rusisë për të paguar me rubla importet e lëndëve djegëse. Ministria e energjisë të vendit ka bërë të ditur se nga kjo e dielë kanë ndaluar plotësisht importet e furnizimeve ruse të energjisë duke përfshirë naftën, energjinë elektrike dhe gazin natyror.

 

“Jo vetëm që është një moment historik jashtëzakonisht i rëndësishëm për Lituaninë në rrugëtimin e saj drejt pavarësisë energjetike, por është gjithashtu një shprehje e solidaritetit tonë me Ukrainën”-u shpreh ministri lituanes.

 

Sipas qeverisë, kërkesat e Lituanisë për gaz mund të plotësohen përmes lidhjeve ekzistuese me Suedinë, Poloninë dhe Letoninë.

 

Deri më tani Lituania, Bullgaria, Polonia dhe Finlanda nuk kanë pranuar të paguajnë importet ruse me rubla. Por nga ana tjetër disa vende të Bashkimit Evropian kanë shprehur se një embargo e menjëhershme nga gazi rus do të kishte një ndikim negativ në ekonomi për shkak të varësisë që ato kanë.

 

Edhe pse gjermania ka qenë pro vendimit për të shmangur furnizimet nga Moska, sipas mediave ndërkombëtare, Berlini i ka dhënë dritën jeshile kompanive energjetike të hapin një llogari bankare që do të mundësonin pagesën me rubla. Të njëjtën udhëzim ka dhënë edhe Italia.

 

Por në të dyja rastet, qeveritë pretendojnë që nuk kanë shkelur sanksionet ndëshkuese të vendosura ndaj Rusisë.

 

Shumica e kontratave që firmat e bashkimit evropian kanë me “Gazprom” janë në euro ose dollarë. Megjithatë, dokumenti i miratuar nga anëtarët e BE-së në masat ndëshkuese nuk thotë në mënyrë të qartë se hapja e llogarisë së re qe do të mundësonte konvertimin në monedhën ruse do të ishte në kundërshtim me sanksionet e vendosura.

Leave a Reply

Your email address will not be published.