Partia Demokratike ka parashtruar katër pika që i konsideron si themelore lidhur me ecurinë e reformës zgjedhore. Bashkëkryetari për reformën zgjedhore, Enkelejd Alibeaj nënvizoi se listat e hapura, sistemi proporcional kombëtar, vota elektronike dhe vota e diasporës janë 4 çështje që duhen zbatuar për t’u realizuar kjo reformë.
“Do të parashtroj pikat kryesore që PD ka depozituar tashmë pranë komisionit për Reformën Zgjedhore. Janë 4 çështje kryesore. Që në identifikimin e këtyre çështjeve jemi nisur nga interesi më i madh i shqiptarëve.
Lexo edhe :
Related Posts
E para është ajo që ka të bëjë me listat e hapura. Propozimi ynë e parashikon më mënyrë të qartë se sistemi ynë në Republikën e Shqipërisë do të duhet të jetë me lista të hapura. Do të jenë shqiptarët ata që do të përzgjedhin se kë shqiptarët duan të votojnë.
Së dyti propozimi ynë ka të bëjë me atë që duhet proporcional kombëtar që bazohet të barazia e votës. Vota e shqiptarëve do të duhet të jetë e barabartë dhe të ketë të njëjtën peshës. Shqipëria një zonë është sistemi më i thjeshtë që e optimizon dhe garanton këtë barazi të votës.
Çështje e tretë ka të bëjë me votimin dhe numërimin e elektronik. Shqipëria 2025 ka nevojë për votimin dhe numërimin e elektronik.
Çështja e katërt, është ajo që ka të bëjë me votën e diasporës. Është detyrim kushtetues. Kemi propozuar që çdo shqiptar që ndodhet jashtë territorit të republikës ka nevojë të votojë”, tha ai.
Nga ana tjetër, deputetë të ‘grupimit Bardhi-Berisha’ kanë bllokuar sallën ku do të zhvillohet mvbledhja e Komisionit të Posaçëm të reformës zgjedhore./vizionplus.tv.
