Lista Serbe kërkon që Asociacioni i Komunave me shumicë serbe në Kosovës të ketë kompetenca ekzekutive.
Përmes një deklarate, kjo forcë politike nënvizon se Asociacioni duhet të formohet pasi është një detyrim që Kosova e ka marrë përsipër me anë të marrëveshjeve të firmosura në Bruksel.
Lista Serbe shprehet se Bashkësia e Komunave është e nevojshme “për mbijetesën e popullit serb”.
Në të njëjtën linjë ka qenë edhe kryeministrja Ana Bërnabiç, e cila ka nënvizuar se kompetencat e asociacionit janë përcaktuar që në vitin 2015.
“Në një nga takimet tona, u tha qartë se Shtetet e Bashkuara të Amerikës do të punojnë menjëherë në fillim të vitit 2023, domethënë janar dhe shkurt, për krijimin e Asociacionit të komunave serbe. Pritshmëria ime është edhe një herë që Asociacioni i komunave serbe të jetë në përputhje ekskluzivisht vetëm me marrëveshjen e Brukselit dhe në përputhje me atë që është përcaktuar në vitin 2013 kur u nënshkrua marrëveshja e Brukselit dhe në vitin 2015, kur me marrëveshje u përcaktuan kompetencat e Asociacionit të komunave serbe”.
Qeveria e Kosovës kundërshton formimin bashkësisë së komunave serbe, duke theksuar se bie ndesh me kushtetutën. Por Shtetet e Bashkuara dhe Bashkimi Europian janë të prerë në qëndrimin se Prishtina duhet të zbatojë marrëveshjet për të cilat ka rënë dakord.
