Gjykata e Krimeve të Rënda ka nxjerrë nga burgu, Leo Nikën, i riu që vrau me armë zjarri dy prindërit e tij në Durrës. Në bazë të vendimit, ai do të dërgohet në spitalin psikiatrik, pasi më herët edhe ekspertët kishin deklaruar se krimi makabër ishte kryer në kushte të rënduara psikologjike. Gjykata u shpreh se i riu ka qenë i papërgjegjshëm në momentin e vrasjes së prindërve. Pas ngjarjes, ai i tha policisë se nuk mbante mend asgjë nga ajo që kishte ndodhur, ndërsa motiv i krimit ishte se prindërit nuk i kishin dhënë para për një udhëtim në Itali.
