Është liruar nga burgu këtë të mërkurë ish ushtari i UÇK-së, Tomor Morina I cili u mbajt për më shumë se dy javë në paraburgim në Maqedoni.
Ndalimi i tij ishte bërë në kufirin Kosovë-Maqedoni, me kërkesë të Interpolit pas fletarrestit ndërkombëtar të lëshuar nga Serbia.
Tomor Morina është liruar me vendim se Serbia nuk i ka plotësuar kërkesat juridike për ekstradimin e tij, me akuzën për krim ndaj njerëzimit në luftën e vitit 1998.
Morinës i hiqet masa e paraburgimit, ndërsa Gjykata Penale e Shkupit i caktoi masë kujdesi.
