Lirohet Sami Lushtaku, Gjykata Supreme rrëzon akuzat

Ish-komandanti i UÇK-së Sami Lushtaku, është liruar. Gjykata Supreme vendosi lirimin e tij nga të gjitha akuzat për krime lufte. Ai ishte dënuar me 12 vjet burg nga Gjykata Themelore në veri të Mitrovicës dhe me 7 vite burg nga ajo e Apelit, por Gjykata Supreme i rrezoi akuzat. Ish-komandanti është mbajtur në burgun e sigurisë së lartë në Gërdovç. Djali i tij, Mërgim Lushtaku, ka thënë se drejtësia e vonuar është padrejtësi, dhe se vendimi i sotëm ka treguar se lufta e UÇK-se është e pastër dhe e tillë do të mbetet historikisht.