Lirohet protestuesi i opozitës, dyshohej se ishte polic civil

Gjykata Penale e Tiranës caktoi masën detyrim paraqitje për protestuesin Olsi Albajrami.

I riu nga Elbasani u arrestua pas protestës së opozita zhvilloi të mërkurën para parlamentit. Gjatë tubimit ai u dhunua nga disa protestues, të cilët e akuzuan se ishte polici i infiltruar me synim për t’i përçarë ata.

Por, ish-deputeti demokrat Luçiano Boçi sqaroi se Olsi Albajrami ishte një nga protestuesit që kishte ardhur nga Elbasani.

Mbi të rëndojnë dy akuza, ajo e kundërshtimit të forcave të policisë dhe prishjes se qetësisë publike.