Lirohet pronari i “Omega Pharma”

Gjykata e Tiranës ka liruar këtë të martë, administratorin e kompanisë farmaceutike “Omega Pharma”, Fatos Çausholli, duke vendosur ndaj tij masën e sigurisë “Detyrim Paraqitje”. Ai u arrestua me akuzën e shmangies së detyrimeve doganore me vlerë 40 milionë lekë për një ngarkesë me ilaçe që kishte mbërritur në Doganën e Tiranës. Bashkë me Çaushollin ne pranga përfundoi edhe agjenti doganor Mirlind Berberi, i cili gjithashtu u la i lirë. Vete Prokuroria kërkoi gjykim në gjendje të lirë, duke zhvlerësuar arrestin në flagrancë te kryer nga krimi ekonomi i drejtorisë së policisë Tirane.