Lirohet nga detyra prefekti i Elbasanit, ja kush e zëvendëson

Lirohet nga detyra prefekti i qarkut të Elbasanit, Spiro Maliqi.

Në vendimin e bërë publik, Këshilli i Ministrave ka emëruar në vend të tij, Majlinda Perriu.

Mësohet se Perriu është pedagoge në Universitetin e Elbasanit “Aleksandër Xhuvani”, lektore e disiplinës Histori e Ballkanit.

VENDIMI : 

PER LIRIMIN DHE EMËRIMIN NË DETYRË TË PREFEKTIT TË QARKUT TË ELBASANIT

Në mbështetje të neneve 100 e 114 të Kushtetutës dhe të nenit 5, të ligjit nr.107/2016, “Për prefektin e qarkut”, me propozimin e ministrit të Brendshëm, Këshilli i Ministrave

V E N D O S I:

1. Z. Spiro Maliqi, prefekt i Qarkut të Elbasanit, lirohet nga kjo detyrë.

2. Znj. Majlinda Perriu emërohet prefekt i Qarkut të Elbasanit.

Ky vendim hyn në fuqi menjëherë dhe botohet në “Fletoren zyrtare”.

K R Y E M I N I S T R I
EDI RAMA