Ish-kryetari i komunës së Kasharit Besnik Fuçia u la I lirë nga Gjykata. Gjykata dha masën detyrim paraqitje për ish-funksionarin vendor, i cili akuzohej për shpërdorim detyre dhe falsifikim dokumentesh për disa prona në zonën e Yzberishtit.
Gjykata ka dhënë “Detyrim paraqitje” edhe për ish-përgjegjësin e Zyrës Urbanistikës në Kashar Jurgen Memishajn, Sekretaren e Zyrës së Planifikimit dhe Kontrollit të Zhvillimit të Territorit Vjollca Pani si dhe Miranda Dyrmishajn kolaudatore e objekteve pranë ish komunës Kashar.
Pak a shumë gjykata ka pranuar kërkesat e organit të akuzës teksa përjashtimi I vetëm është bërë për ndërtuesin Stefan Caushi I cili u la në arrest shtëpie me argumentin se kishte bashkëshorten e sëmurë, teksa prokuroria kishte kërkuar arrest me burg.
Besnik Fuçia bashkë me 5 persona të tjerë u ndaluan më 7 maj nën akuzën e flasifikimit të dokumentave për ndërtimin e dy pallateve në Yzberish. Ish-kreu i Zyrës së Urbanistikës në Kashar, Jurgen Memishaj u ndalua të hënën (6 maj) nën akuzën për falsfikimim dokumentesh dhe shpërdorim detyre në dhënien e një leje për ndërtimin e dy pallateve në këtë zonë. Arrestimi i tyre u bë pas kallëzimit të njërit prej investitorëve, Arben Petriti. Sipas hetimeve, Petritit i është shkaktuar një dëm financiar prej 1.5 mln euro.
