Pas një pune shumëvjeçare, më në fund, “trupi” i Ohrit është i plotë në Listën e Pasurive Botërore të UNESCO.
Sot, Komiteti i Trashëgimisë Botërore, i cili po zhvillon sesionin e tij të 43-të, në Baku, Azerbajxhan, miratoi zgjerimin e pronës: “Trashëgimia natyrore dhe kulturore e rajonit të Ohrit”.
Tanimë edhe pjesa shqiptare i përket trashëgimisë së mbarë botës.
Lajmi u konfirmua edhe nga drejtoria rajonale e kulturës në juglindje të vendit.
Futja në listën e Pasurive Botërore të liqenit të Ohrit është arritur edhe falë një pune të madhe të realizuar nga sepeciaslitët shqiptarë të fushës.
Prej shumë vitesh, pjesa maqedonase e liqenit të Ohrit, në ndryshim nga ajo shqiptare ka qenë pjesë e listës së Pasurive Botërore.