Përjetësisht Leo Messi. Argjentinasi fitoi për herë të 8 në karrierë, “Topin e Artë”, cmimin më prestigjoz individual të lojtarëve për arritjet e tyre jo vetëm personale, por edhe ekipore përgjatë një sezoni futbollistik.
“Pleshti” nuk ka rivale në këtë çmim, përkundrazi po thyen rekordet e vendosura vetë. Kampioni i madh i futbollit botëror e meritoi këtë cmim vecanërisht për rolin e tij të jashtëzakonshëm si lider në kupën e botës të fituar nga argjentina në fundin e vitit të kaluar në botërorin e Katarit.
Me lojën dhe golat e tij, dy prej të cileve ne finale ndaj Francës, Leo Messi shkroi historine e kombit të vet duke I dhënë përfaqësues “albiceleste“ trofeun e trete në historine e botëroreve. Messi e mori këtë trofe në duar nga David Beckham, pronari i Inter Miami, klubit aktual të “pleshtit”.
Në fjalën e tij të rastit pas duatrokitjeve të shumta të sallës, Messi nuk harroi të kujtonte Diego Armando Maradonen, i cili pikërisht në ditën e shpërndarjes së cmimit për “topin e artë” do të kishte mbushur 63 vjec.
I shoqeruar nga djemte e tij në skenën prestigjoze të “Topit të Artë” Messi tha se shpreson të luaj ende sa më gjatë futboll. Falë këtij suksesi Messi e rriti ne tre diferencen e topave të artë përkundrejt rivalit të tij historik Kristiano Ronaldo. Në vendin e dytë në këtë edicion u rëndit Erling Haland, bomber i Machester Cityt I cili me këtë klub u shpall kampion europe dhe Anglie si golashënues. Ai meritoi gjithashtu edhe cmimin “Gerd Myler” si sulmuesi më I mirë.
Në vendin e trete u pozicionua Kilian Mbape.Sa I takon cmimeve të tjera, Aitana Bonmati e Barcelonës mori cmimin “topi i artë” tek femrat. Klubi më i mirë u shpall Manchester City tek meshkujt dhe Barcelona tek femrat. Lojtari i ri më i mirë Bellingham ndërsa portieri më i mirë Emiljano Martinez i Argjentines.
