Lionel Mesi fiton Topin e Artë

Lionel Mesi është fituesi i FIFA Topi i Arte 2015. Ne Kongreshaus te Cyrihut FIFA nderoi me çmimin prestigjioz argjentinasin, i cili triumfoi ndaj dy rivaleve te tij Kristiano Ronaldo dhe shoku i tij i skuadrës. Nje rikthim per sulmuesin e Barcelonës te ky çmim pas dy vjetësh mungese, vite ne te cilat kishte triumfuar portugezi i Realit te Madridit. Per Mesin ka qene nje sezon i jashtëzakonshëm me 5 trofe te rrëmbyera La Liga, Champions League, Kupa e Mbretit superkupa europiane dhe kupa e botes per klube. Argjentinasi ka shënuar ne te gjitha kompeticionet; janë 52 golat e Leos per vitin 2015. Ky është Topi i 5-te i Arte per Lionel Mesi ne karrierën e tij. Ai ka fituar 26 tituj me Barcelonën. Ka shënuar 430 gola per Barcelonën ne ndeshje zyrtare dhe është golashënuesi me i mire i ligës spanjolle ne histori me 295 te tille ndërkohe amerikania Karli Llojd ishte fituesja e topit te arte për femra. Luis Enrike fitoi çmimin e teknikut me te mire te vitit, per femra trajneria me e mire u shpall Jill Elis. Çmimin Pushkash per golin me te bukur e meritoi braziliani Vandell Lira, i cili mundi Mesin, por edhe Florencin e Romes. Formacioni me i mire përbehet nga Nojer, Marcelo, Serxhio Ramos, Tiago Silva, Dani Alves, Iniesta, Modric, Pogba, Neymar Mesi dhe Kristiano Ronaldo.